Umar Kremlyov: Xalqaro olimpiya qo‘mitasini bir guruh haromxo‘rlar qo‘lga olishgan

Xalqaro boks assotsiatsiyasi (IBA) prezidenti Umar Kremlyov Xalqaro olimpiya qo‘mitasi (XOQ) rahbariyatini tanqid qildi.

“Bizda XOQ bilan hech qanday ziddiyat yo‘q, Olimpiya o‘yinlari oilasi bilan hech qanday muammo yo‘q. Shunchaki, uni bir guruh haromxo‘rlar qo‘lga olishgan, mamlakatlar uyg‘onishi kerak, chunki XOQ rahbarlari ularni talashyapti. Sportchilar katta mablag‘ investitsiya qiladi, Olimpiadaga boradi va hech narsa olmaydi. Rahbariyat esa pulni o‘zi uchun oladi: besh yulduzli mehmonxonalar, parvozlar, eng qimmat restoranlar. Tomas Baxning avval va hozir qancha puli borligini qarang, bu pullar qaerga ketayotganini tushunasiz”, - dedi Kremlyov “Chempionat” muxbiri Aleksandr Ershov bilan suhbatda.

Bundan avvalroq, Xalqaro olimpiya qo‘mitasi (XOQ) Xalqaro boks assotsiatsiyasiga (IBA) a’zo bo‘lgan milliy federatsiyalar sportchilariga 2028 yilgi yozgi Olimpiada o‘yinlarida ishtirok etishni taqiqladi.