Usik Fyurini mag‘lub etsa, revansh jangi bo‘ladimi?

WBA, WBO, IBF yo‘nalishlari bo‘yicha og‘ir vazn toifasida jahon chempioni Aleksandr Usik Tayson Fyurini birinchi jangida mag‘lub etsa, revansh jangini o‘tkazadimi, degan savolga javob berdi.

"Fyurini mag‘lub qilsam, unga revansh jangini o‘tkazamanmi? Bu mening promouterim yoki menejerim uchun savol, lekin men uchun emas. Shaxsan men unga revansh jangini beramanmi? Ha, albatta, agar u ham xohlasa, men ham roziman”, - deydi ukrainalik bokschi.

Eslatib o‘tamiz, Usik va Fyuri og‘ir vazn toifasida mutlaq jahon chempioni unvoni uchun 17 fevral kuni Saudiya Arabistonida jang qiladi.