Voleybol bo‘yicha O‘zbekiston o‘smirlar terma jamoasi Osiyo chempionati guruh bosqichini muvaffaqiyatli yakunladi
Ahmadbek Eshmatov
Musobaqa Toshkent shahrida bo‘lib o‘tmoqda.
Poytaxtimiz Toshkent shahri voleybol bo‘yicha o‘smirlar o‘rtasidagi Osiyo chempionatiga mezbonlik qilmoqda. Musobaqada guruh bosqichi bahslari yakunlandi. «A» guruhidan o‘rin olgan O‘zbekiston terma jamoasi so‘nggi turda Qozog‘istonga qarshi bahs olib bordi.
Qiziqarli kechgan uchrashuvda yigitlarimiz 3:0 hisobida g‘alaba qozonib, birinchi o‘rin bilan chorak finalga yo‘l olishdi. Endi hamyurtlarimiz yaponiyalik voleybolchilarga qarshi maydonga chiqishadi. Ushbu uchrashuv 26 iyul kuni soat 17:30 da «Yunusobod sport majmuasi»da boshlanadi.
Izohlar (0)