Xavi murakkab o‘yinda 17 yashar bolani maydonga tushirib, nega tavakkal qilganini aytdi

“Barselona” bosh murabbiyi Xavi Ernandes “Atletik” bilan o‘yinda nega 17 yoshli Mark Giuni maydonga tushirib, katta tavakkal qilganini izohlab berdi.

- Men klubimiz yosh o‘yinchilar o‘rtasida jamoani kuchaytiradigan futbolchini qidirishdan cho‘chimayman. Aksincha, men ularda o‘zlariga ishonch uyg‘otaman.  17-18 yoshligimda menga ham xuddi shunday qilishgan.

Yosh o‘yinchilar qo‘rqmasligidan hayratga tushaman. Ularning ko‘zida uchqun bor. Go‘yo ular menga “Meni maydonga tushir, hammasi yaxshi bo‘ladi”, deyotgandek tuyuladi.

Men bu holatni Gavi, Balde, Yamal, Fermin va mana endi buni Giuda ko‘ryapman, - dedi Xavi Ernandes.

17 yashar Mark Giu debyut uchrashuvida g‘alaba to‘pini kiritib, bir necha rekordlarni yangilab qo‘ydi.