Xoland jarohat oldi, u Shotlandiyaga qarshi o‘yinni o‘tkazib yuboradi
Norvegiya terma jamoasi va "Manchester Siti" klubi hujumchisi Erling Xoland "Evro-2024" saralashidan o‘rin olgan Farer orollariga qarshi bahsda to‘pig‘idan jarohat oldi. Shu sabab u Norvegiyaning Shotlandiya bilan kechadigan o‘yinida jamoasiga yordam bera olmaydi.
Terma jamoa shifokori Ola Sandning ma’lum qilishicha, futbolchining jarohati unchalik jiddiy emas.
"Jarohat jiddiy emas, lekin u vaqtincha og‘riq beradi. Xolandning harakatlari cheklangan, shuning uchun u Shotlandiyaga qarshi bahsni o‘tkazib yuboradi", - dedi Sand.
Eslatib o‘tamiz, Shotlandiya - Norvegiya uchrashuvi ertaga Toshkent vaqti bilan tungi 00:45 da boshlanadi.
Fikrlar