Бернарду, уч суперклубдан бирини танла!

Айни пайтда юзага келган барча ҳолатлар шуни кўрсатмоқдаки, тажрибали ярим ҳимоячи Бернарду Силва тўққиз йиллик фаолиятдан сўнг ёзда “Манчестер Сити”ни тарк этади.

Аввалроқ португалиялик футболчи клубга ёзда эркин агент сифатида кетиши ҳақида хабар бергани айтилган эди.

A Bola журналистлари Силванинг клубини ўзгартириш қарорини тасдиқламоқда. Ушбу манба 31 ёшли ҳужумкор футболчининг эҳтимолий йўналишлари сифатида “Барселона”, “Ювентус” ва “Галатасарой”га далолат қилмоқда.

Transfermarkt мутахассислари Бернарду Силванинг трансфер бозоридаги қийматини 27 миллион еврога баҳолаган. Жорий мавсумда Силва 42 та ўйин ўтказиб, 3 та гол урди ва 5 та голли узатма берди.