Эндрик: "Роналдуни қайси клубда бўлмасин кузатиб бораман"

"Лион" жамоаси ҳужумчиси, Мадриднинг "Реал" клубидан ижарага берилган Эндрик ўзининг кумири Криштиану Роналду ҳақида фикр билдирди.

"Менда "Манчестер Юнайтед"га нисбатан алоҳида муносабат бўлган, чунки Криштиану ўша клубда ўйнаб, катта ютуқларга эришган. Мен унинг фаолиятини диққат билан кузатиб келганман, МЮ, "Реал", "Ювентус", кейин эса "Ан-Наср"да ўйнаган пайтларида ҳам видеоларини кўриб борганман. У қаерга бормасин, мен унинг ўйинини кузатишда давом этаман", — деди Эндрик.

Криштиану Роналду 2023 йил бошидан буён Саудия Арабистонининг "Ан-Наср" жамоаси шарафини ҳимоя қилиб келмоқда. Жорий йил феврал ойида португалиялик юлдуз 41 ёшини нишонлади.