“Сити”ни биринчи ўринга кўтаришга ҳисса қўшган Ҳусановнинг ўйини қандай баҳоланди?
Англия Премьер-лигасининг 34-турида “Манчестер Сити” сафарда лига аутсайдерларидан “Бёрнли” меҳмони бўлиб, Эрлинг Холанднинг ягона голи эвазига 1:0 ҳисобида зафар қучди.
Узоқ танаффусдан кейин Хосеп Гвардиола жамоаси очколар ҳисобида “Арсенал” билан тенглашиб олди ва мусобақа жадвалида биринчи ўринга кўтарилди.
Абдуқодир Ҳусанов тўлиқ ўйнади ва жамоасининг ғалабасига муносиб ҳисса қўшди. Буни учрашувни таҳлил қилган экспертлар ўз ҳисоботларида ҳам қайд этди.
Хусусан, esteemedkompany.com сайти экспертлари “Манчестер Сити” футболчилари рейтингини қуйидагича баҳолади.
Жанлуижи Доннарумма — 6/10:
Дарвоза олдида унга деярли иш бўлмади, шунинг учун баҳоси оддий ўндан олти бўлиши табиий.
Матеуш Нуньеш — 7/10:
Ҳимояда ҳам, тўп билан ўйнашда ҳам ўз вазифасини бажарди.
Абдуқодир Ҳусанов — 7,5/10:
Экспертлар фикрича, “Манчестер Сити” таркибидаги Раан Шерки билан бирга учрашувнинг энг яхши футболчиси бўлди. Унинг тезлиги “Бёрнли” ҳужумларини тўхтатиб турди ва тўп билан жуда яхши муомала қилди.
Абдуқодир ўйиннинг бошида Максим Эстевнинг хавфли зарбасини блоклаб, жамоасини голдан қутқарди. Биринчи бўлим охирида тезлиги эвазига Зиан Флеммингдан тўпни олиб қўйди. Борган сари Ҳусановнинг ўзига бўлган ишончи ортиб боряпти ва айни пайтда “Манчестер Сити” учун ҳимоя марказида энг зўр вариант бўлиб турибди.
Марк Гехи — 7/10:
Гехи яхши ўйин кўрсатди. Ҳимояланиш билан бирга ҳужумларни ташкил этишда жонбозлик кўрсатди.
Райан Айт-Нури — 6/10:
Бугунги ўйинда Родри иштирок этмагани сабаб асосий таркибда майдонга тушди. У ёмон ўйнамади, аммо ўйин натижасига катта таъсир кўрсата олмади.
Бернарду Силва — 7/10:
Яна бир бор Бернарду ундан талаб қилинган барча ишни бажарди. Майдонда ҳақиқий етакчилигини намойиш қилди.
Нико О'Райли — 6,5/10:
Ярим ҳимояда унчалик самарали бўлмади, аммо ўз вазифасини бажарди. Ўйин охирида гол уриши мумкин эди, аммо имкониятни қўлдан чиқарди.
Антуан Семеньо — 5/10:
“Арсенал”га қарши учрашувда бўлгани каби фаол ўйин намойиш этганига қарамай, бугунги баҳсга тўлиқ мослаша олмади. Унинг биринчи паси муваффақиятсиз бўлиб, имкониятларини чеклаб қўйди.
Райан Черки — 7,5/10:
Биринчи бўлимда ажойиб ўйнади, иккинчи бўлимда эса таъсири камроқ бўлди. Шунга қарамай, у майдондаги энг хавфли футболчи бўлди.
Жереми Доку — 7/10:
Эрлинг Холанд гол урган вазиятда голли узатма берди. Қолган пайтларда эса Кайл Уокерга қарши ўйинда кўп нарса кўрсата олмади.
Эрлинг Холанд — 7/10:
Ғалаба голини урди ва яна бир нечта имкониятларга эга бўлди. Мунозарасиз яхши ўйин.
“Манчестер Сити” Премьер-лигада ғолиблиги асосий даъвогарга айланди. Пешқадамлик мавқеини сақлаб қолиш учун “шаҳарликлар” чемпионатнинг қолган бешта учрашувида ғалаба қозониши лозим. Чемпионлик кураши фақат икки жамоа – “Сити” ва “Арсенал” ўртасида кечиши аниқ бўлиб улгурган.
Фикрлар