Фалькао Осиё клубларидан бирига ўтиши мумкин

“Галатасарой” клуби ҳужумчиси Радамель Фалькао жамоасини ўзгартиришга яқин турибди. Бу ҳақда Marca нашри хабар тарқатмоқда.

Туркия гранди 35 ёшли колумбиялик футболчи билан жорий ёзги трансферлар давридаёқ хайрлашмоқчи. Унга эса МЛС, Қатар ва Саудия Арабистони клубларидан жиддий қизиқишлар бор.

Радамель “Галатасарой” таркибида 2019 йилнинг сентябридан буён ўйнаб келмоқда. У истанбулликлар сафига эркин агент сифатида келиб қўшилган. Унинг амалдаги меҳнат шартномаси 2022 йилнинг ёзига қадар имзоланган.

Фалькао Туркия Суперлигасининг ўтган мавсумида 17 та ўйинда иштирок этди. У ушбу учрашувларда ўз ҳисобига 9 та гол ҳамда 2 та голли узатма ёздириб қўйди.

Матнда хатолик топсангиз, ўша хатони белгилаб, бизга жўнатинг (Ctrl + Enter)

Минбар

Барча блоглар