Ўтган мавсумни “Сурхон”да ўтказган Алишер Салимов энди “Локомотив” таркибида тўп суришидан хабарингиз бўлса керак. “Темирйўлчилар” ушбу ўйинчининг трансферини эълон қилганидан кейин клуб матбуот хизмати Салимовнинг фикрлари билан қизиқди.

- “Локомотив”га ўтиш жараёни борасида гапирсангиз.

- Мавсум тугашига 3-4 тур қолганида бир неча жамоалардан таклифлар тушганди. Аммо “Локомотив”нинг таклифини кўриб, бирданига розилик бердим. “Локомотив” сўнгги йилларда ўзбек футболида етакчи брендлардан бирига айланиб бўлди. Шунингдек, ўз олдига юқори мақсадларни, доимий ғалабаларни вазифа этиб белгилайди. Қолаверса, терма жамоада ўйнаш учун “Локомотив”ни танладим, дея оламан.

- Янги жамоадошларингиз билан қанчалик даражада танишсиз? Яқиндагина ўтган мавсумда “Сурхон”да ўйнаган посбон Рустам Нартаджиевнинг трансферини эълон қилдик.

- Умуман олганда, таркибнинг катта қисми билан яқин танишман. Шунингдек, айрим футболчилар билан турли термалар таркибида бирга ўйнаганмиз. Улар билан чиқишиб кетиш қийин бўлмайди. Қолганини эса вақт кўрсатади.

- “Локомотив”да барча чизиқларда рақобат жуда катта.

- Айнан шунинг учун бу ерга келдим. Рақобат орқали ўзимнинг даражамни ошириб, терма жамоа таркибида ўйнамоқчиман. Доимо рақобатга тайёрман.

- Янги мавсум олдидан ниятлар қандай?

- “Локомотив” билан совринли ўринларни қўлга киритиб, халқаро майдонларда тўп суришни истайман.

 

Матнда хатолик топсангиз, ўша хатони белгилаб, бизга жўнатинг (Ctrl + Enter)

Минбар

Барча блоглар