ПСЖ мухлислари учун зўр хушхабар!

"Пари Сен-Жермен" клубининг аргентиналик ҳужумчиси Лионель Месси УЕФА Чемпионлар лигаси гуруҳ босқичининг 2-туридан ўрин олган "Манчестер Сити"га қарши ўйиндан олдин умумий гуруҳ машғулотларида иштирок этди. Бу ҳақда клуб матбуот хизмати хабар бермоқда.

TNT Sports мухбири Марсело Бехлеранинг маълум қилишича, парижликлар устози Маурисио Почеттино 34 ёшли футболчини “шаҳарликлар”га қарши ўйин қайдномасига киритмоқчи.

Эслатиб ўтамиз, Месси ПСЖ сафига жорий ёзги трансферлар даврида “Барселона”дан эркин агент сифатида кўчиб ўтган эди. У Париж клуби сафида ҳозирча 3 та ўйинда майдонга тушди.

ПСЖ – “Манчестер Сити” учрашуви 29 сентябрь куни  Тошкент вақти билан соат 00:00 да бошланади.

Фикрлар

Фикр қолдириш учун авторизациядан ўтинг!