Холанд кейинги мавсумни қаерда бошлашини айтди

Замонавий футболнинг энг зўр тўпурарларидан бўлган “Манчестер Сити” ҳужумчиси Эрлинг Холанд фаолиятининг ҳозирги босқичи ва клуб истиқболлари ҳақида фикр билдирди.

- Охирги бир йилда жуда кўп ўзгаришлар бўлди. Жамоада узоқ вақтдан бери ўйнаётган футболчилар кўп, шунинг учун янги келганларга вақт керак. Янги лига, янги мамлакатга мослашиш осон эмас.

Менимча, олдимизда қизиқарли давр турибди ва мен унинг бир қисми бўлишни интизорлик билан кутяпман.

Мен жуда бахтлиман ва олдинда нима бўлишини кутяпман, чунки ҳозир “Сити” учун ҳам, мен учун ҳам жуда қизиқ давр бошланган. Мен “Манчестер Сити” билан ҳамкорликни давом эттиришни истайман, - деди Эрлинг Холанд ESPN журналистларига.

Холанд “Манчестер Сити” сафига 2022 йилнинг ёзида “Боруссия Дортмунд” клубидан таклиф этилган ва ҳозирга қадар 194 та ўйин ўтказиб, 159 та гол ва 28 та ассист қайд этди.