“Бунёдкор” ОЧЛда сўнгги дақиқаларда “ожиз” қолган 5 та ўйин

Бугун ОЧЛ 2-турида “Бунёдкор” ўз майдонида БААнинг “Ал-Айн” жамоасига сўнгги дақиқаларда ўтказиб юборилган гол эвазига мағлуб бўлди. Биз эса шу муносабат билан “қалдирғочлар”нинг мазкур турнирда сўнгги дақиқаларда “ожиз” қолган ўйинларини эслашга ҳаракат қилиб кўрдик.

“Бунёдкор”нинг рақиби “Ал-Айн” ҳақида фактлар

“Ал-Иттиход” 1 – 0 “Бунёдкор”

Гол: Магну Алвеш(80)

“Бунёдкор”нинг ОЧЛдаги илк учрашуви. Умуман мазкур ўйинда Миржалол Қосимов жамоаси дуранг ўйнаши мумкин эди. Аммо “йўлбарслар”нинг легионери – Магну Алвеш бунга “рози” бўлмаган эди.

“Локомотив” бугун қандай жамоани мағлуб этди

“Поханг Стилерс” 4 – 1 “Бунёдкор”

Голлар: Ким Жае Сунг((46), Денилсон(57, 77), Кеннеди(102) – Виктор Карпенко

Таркибида Жепаров ва Ривалдоси бўлган “Бунёдкор” чорак финалнинг дастлабки ўйинида 3–1 ҳисобида ғалаба қозонади. Аммо Кореядаги жавоб баҳсида мезбонлар иккинчи бўлимни фантастик тарзда ўтказиб, даставвал ҳисобни 3–0 кўринишига кетиришади. Фақатгина Виктор Карпенко ўйиннинг 89-дақиқасида тўп киритиб, қўшимча бўлимлар белгиланишига сабабчи бўлади. Бу бўлимларнинг дастлабкисида эса “Поханг” футболчилари тўртинчи голни киритишади ва қарабсизки – “Бунёдкор оut”.

“Бунёдкор” ОЧЛ биринчи турида қандай натижалар қайд этган?

“Поханг Стилерс” 1 – 1 “Бунёдкор”

Голлар: Парк Сунг-Ҳо(90+3) – Олександр Пишур(79)

Яна “Поханг”… Аммо бу сафарги ўйинда ҳисоб “қалдирғочлар” учун қониқарли кўриниш олган. Бу сафар “Бунёдкор” “Поханг”ниб орт ортида “қолдириб” кетган эди.

“Насаф”нинг ЧЛдаги иштирокига оид фактлар

“Ал-Наср” 3 – 3 “Бунёдкор”

Голлар: Адриан Межеевский(45+1 пенальтидан), Ал-Шеҳри(79), Абдулғани(85) – Достонбек Ҳамдамов(3, 76), Зуаги(33)

Ўтган йилги мавсумнинг илк турида дастлабки дақиқалардаги Ҳамдамовнинг голидан сўнг, кўпчилик мазкур ўйинда “қалдирғочлар”нинг ғалабасига ишонган эди. Икки бор “Бунёдкор” ҳисобда олдинга ўтиб олган бўлсада, сўнгги дақиқалар “синдроми” ўз сўзини айтган эди.

“Локомотив”нинг Чемпионлар лигасидаги иштирокига оид фактлар

“Бунёдкор” 2 – 3 “Ал-Айн”

Голлар: Вадим Чемиртан(10), Достонбек Ҳамдамов(43) – Омар Абдулраҳмон(8, 89 пенальтидан), Кайо(15)

Бугун “Бунёдкор” илк бор ўз майдонида ОЧЛ доирасида сўнгги дақиқаларда тўп ўтказиб юбориб, мағлубиятга учради. Тўғри, мазкур мағлубиятга “қалдирғочлар”нинг майдонда 10 киши бўлиб қолишгани ҳам таъсир этди, албатта. Аммо Сергей Лушчан ҳимояда тартиб ўрнатмаса, унинг жамоасига ОЧЛда осон бўлмайди.

Шаҳзод Холбоев тайёрлади