“Бунёдкор”нинг рақиби “Ал-Айн” ҳақида фактлар

Эртага Тошкентинг “Бунёдкор” жамоаси ўз майдонида БААнинг “Ал-Айн” жамоасини қабул қилади. Бўлажак, учрашувда “қалдирғочлар”га омад тилаган холда уларнинг рақиби – “Ал-Айн” ҳақидаги айрим фактларни эътиборингизга ҳавола этамиз.

“Локомотив” бугун қандай жамоани мағлуб этди

Виталий Денисов фаолиятига назар

1. “Ал-Айн” жамоаси шу номдаги шаҳарда 1968 йилда ташкил топган;

2. Жамоа ўз уй учрашувларини 23 мингга яқин томошабинни ўз бағрига сиғдира оладиган “Ҳазза бин Зайд” стадионида ўтказиб келади. Таъкидлаш жоиз мазкур мухташам арена 2014 йилда очилган ва 2019 йилги Осиё кубоги ўйинларини қабул қилувчи стадионлардан биридир;

3. “Ал-Айн”га БАА чемпионати ва Суперкубогида ғолиб чиқиш бўйича ҳеч ким тенг кела олмайди – 12 ва 5 марта. Умумий ҳисобда эса “Ал-Айн” 33 та расмий титулга эришган;

4. Айтганча, “Ал-Айн” ОЧЛда ғолиб чиққан ягона Амирлик жамоасидир. 2003 йилги мавсумда мазкур клуб финалда “БEК Теро Сасана” жамоасини мағлуб этишни уддалаб, қитъада тенгсиз бўлган эди;

5. Бундан ташқари, “Ал-Айн” 2005 ва 2016 йилги мавсумларда финалга қадар етиб боришнинг уддасидан чиққан;

6. Шунингдек, “Ал-Айн” номи остида фаолият юритувчи гандбол, баскетбол, волейбол, стол тенниси, таеквондо ва сузиш каби спорт турларидаги жамоалар ҳам мавжуд;

7. Жамоа логотипида эътибор қилсангиз минора сурати тасвирланган. Ўша миноранинг номи эса – Ал-Жахили Фортдир;

8. “Ал-Айн” жамоаси тарихидаги энг яхши тўпурар – Ахмад Абудллохдир – 180 та гол. Ундан кейинги поғонадаги Асамоа Гьян ҳисобида эса 128 та гол мавжуд;

9. 49 йиллик тарихга эга бўлган “Ал-Айн”ни шу вақтга қадар 47 мутахассис бошқарган. Бугунги кунда эса жамоага хорватиялик Златко Далич устозлик қилиб келади. Қайд этиш жоиз, Далич бошқарувидаги “Ал-Айн” 100 дан ошиқ ўйин ўтказган ва бор-йўғи 15 бор мағлубиятга учраган;

10. “Ал-Айн” айни вақтда БАА про лигасида 19-турдан сўнг 40 очко билан 3-ўринда бормоқда. Президент кубогидаги юриш чорак финалдаёқ, Лига кубогидагиси эса гуруҳ босқичидаёқ ниҳоясига етган. ОЧЛ 1-турида эса ўз майдонида “Зоб Ахан”ни қабул қилган “Айн” футболчилари 1–1 ҳисобида дуранг ўйнашган.

“Локомотив”нинг Чемпионлар лигасидаги иштирокига оид фактлар

“Бунёдкор” ОЧЛ биринчи турида қандай натижалар қайд этган?

“Насаф”нинг ЧЛдаги иштирокига оид фактлар

Шаҳзод Холбоев тайёрлади