Виталий Денисов фаолиятига назар

 Бугун Москванинг “Локомотив” жамоасида тўп сурадиган ҳамуртимиз Виталий Денисовнинг туғилган куни. Тажрибали ҳимоячи бугун 30 ёшни қаршиламоқда. Шу муносабат билан эса боз Виталийнинг фаолиятига ҳарфлар ёрдамида назар ташлашга ҳаракат қиламиз.

“Манчестер Юнайтед” баскетбол клуби ҳақида эшитганмисиз?

А – “Академика” – Виталий “Пахтакор”дан кетиб, “Академика” клубида футбол сир-асрорларини ўрганишда давом этади. 16 ёшига қадар Денисов айнан мазкур жамоада ўйнаган

В – Валерий Газзаев – “ЦСКА”нинг ўша вақтлардаги мураббийи бўлган Газзаев ҳамюртимизга кўп ҳам ишонч билдирмаган. Шундай бўлсада, Виталий у ҳақида доимо илиқ фикрлар билдириб келади

Касильяс vs Буффон дуэли тарихи

Г – Геннадий Денисов – Виталийда футболга бўлган қизиқиш отасидан ўтган бўлса, ажаб эмас. Фақат Геннадий Денисов дарвозабон бўлган бўлса, Виталий ҳимоячи амплуасини танлаган

Д – “Днепр” – Виталийни қайсидир маънода Виталий қилган айнан “Днепр” бўлади. Денисов днепропетровскликлар таркибида 6 мавсум тўп сурган ва 125 ўйинда майдонга тушган

И – Игор Черевченко – Виталий алоҳида эътироф этадиган яна бир мураббийлардан бири. “Локо” айнан унинг даврида бироз 2000 йиллардаги “Локо”ни эслашга “ҳаракат қилиб” кўрган эди

ЕЧЛда энг кўп мағлубиятга учраган жамоалар

К – Константин Сарсани – Виталий ўз интервьюларидан бирида, “ЦСКА”га ўтишига айнан “Академика”даги устози Сарсанининг гаплари сабаб бўлганини айтиб ўтган эди

К – “Краснодар” – 2013 йилнинг 26 августида Виталий “буқалар”га қрши кечган баҳсда “темирйўлчилар” сафидаги илк голини киритади

“Олтин бутса”га даъвогарлик қилаётган 10 футболчи

А – Анастасия – Виталий Денисовнинг рафиқаси. Улар биргаликда икки фарзандни вояга етказишмоқда

Л – “Локомотив” – Денисов 2013 йилдан буён айнан “темирйўлчилар” сафида тўп суриб келмоқда

П – “Пахтакор” – Мазкур жамоада Виталий футболга илк қадаминин қўяди

Р – Россия кубоги – Виталий ушбу турнирда икки бор ғолиб чиққан. 2005 йил “армиячилар” билан ғолиб чиққан Денисов 2013 йилда “Локо” билан мазкур мусобақада зафар қучади

Р – “Ростов” – бир сафар айнан донликларга қарши беллашувда Витья уч бор шерикларини голли узатма билан таъминлаган эди

Р – реп – Денисов “Матч ТВ” каналидаги кўрсатувларнинг бирида реп куйлаган эди. Қайд этиш жоиз, ҳамюртимизда бу борада ҳам етарлича иқтидори бор экан

С – “Спартак НН” – мазкур жамоада Денисов анча яхши фаолият юритди. Бир йиллик ижара давомида Виталий “Спартак” сафида 14 учрашувда майдонга тушган эди

С – Сингапур – Виталий терма сафидаги ягона голини айнан сингапурликларга қарши ўйинда киритган

Ц – “ЦСКА” – Виталийнинг катта футболдаги илк жамоаси айнан “армиячилар” саналади ва ҳамюртимиз мазкур жамоа таркибида деярли ўйнамаган бўлсада, катта совринларни қўлга кирита олган

Х – Хуанде Рамос – “Реал”нинг собиқ мураббийи ўз вақтида Денисов тўп сурган “Днепр”га устозлик қилган ва ҳамюртимиз, Рамос пайтида футболдан лаззат олганини айтиб ўтган эди

Т – “Тор” – кўпчилик мухлислар Виталийни айнан машхур филм қаҳрамонига ўхшатишади

Т – Терма жамоа – Денисов 2006 йилдан буён Ўзбекистон терма жамоасида фаолият юритиб келади ва терма сафида ҳозирга қадар 70 дан зиёд ўйин ўтказган

У – УEФА кубоги – “ЦСКА”да ўйнаган кезлари Виталий мазкур турнирда бир дақиқа ҳам ўйнамаган бўлсада, ушбу нуфузли турнирда ғолиб чиққан

Э – Энг яхши… - Виталий Денисов учун 2013 йил омадли ўтди. Ҳам клуб, ҳам терма жамоада ва айнан шу жиҳатлар туфайли ҳимоячимиз Ўзбекистоннинг энг яхши фуболчиси бўлган эди.

Тавсия этамиз: 

“Бунёдкор” ОЧЛ биринчи турида қандай натижалар қайд этган?

“Насаф”нинг ЧЛдаги иштирокига оид фактлар

“Локомотив”нинг Чемпионлар лигасидаги иштирокига оид фактлар

Шаҳзод Холбоев тайёрлади

Фикрлар

Фикр қолдириш учун авторизациядан ўтинг!