O‘zbekiston – Qatar uchrashuviga oid faktlar va statistikalar
28 mart kuni JCh-2018 saralashi so‘nggi bosqich 7-turi doirasida Samvel Babayan boshchiligidagi O‘zbekiston milliy terma jamoasi Toshkentda Qatar termasiga qarshi bahs olib boradi. Biz esa bo‘lajak o‘yin oldidan sizlarga ayrim faktlarni va statistikalarni e’tiboringizga havola etamiz.
>>Futbol tarixida eng ko‘p o‘yin o‘tkazgan 18 futbolchi
>>Podolskini eslab… Germaniya termasi tarixidagi eng yaxshi 5 to‘purar
>> O‘z an’anasiga sodiq murabbiy
1. O‘zbekiston milliy terma jamoasi Qatarga qarshi 12 ta bellashuvda ishtirok etgan. O‘zaro O‘yinlarda Qatar O‘zbekistonga qaraganda uch marta kamroq zafar quchgan. Yana 2 ta o‘yinda g‘olibni aniqlab bo‘lmagan;
2. Qatar terma jamoasi Toshkentga jami 4 bor tashrif buyurgan bo‘lib, ularning hammasida imkoniyatni boy bergan.
>> Terma jamoada eng ko‘p gol kiritgan 10 futbolchi
3. Toshkentda Qatarga qarshi bahslarning 3 tasi JCh saralashida, qolgani esa Osiyo kubogi saralashidagi to‘qnashuvlardir;
4. Qatarliklar Toshkentda o‘tgan bahslarda faqatgina ikki bor darvozamizni ishg‘ol etishga erishgan. O‘z navbatida biznikilar o‘z uyimizda qatarlik futbolchilarga 13 ta gol kiritishning uddasidan chiqishgan;
>> MLSda o‘ynagan jahon chempionlari
5. Ilk bor bu jamoalar Livanda o‘tgan Osiyo kubogida o‘zaro to‘qnash kelishgan va o‘shanda 1:1 hisobi qayd etilgan edi;
6. O‘zbekiston milliy terma jamoasi Qatar darvozasiga 12 o‘yinda 21 ta gol urgan. Shularning 15 tasi JCh saralashida urilgan;
7. Qatar terma jamoasi darvozasiga eng ko‘p gol urgan o‘zbekistonlik futbolchilar Mirjalol Qosimov va Farhod Tojiev hisoblanadi;
>>“Real” Ronaldusiz nechta sovrin yutishi mumkin edi?
8. Tojiev 2009-yilning 28-mart kuni “xet-trik” qayd etgan. Qosimov esa Qatarga qarshi bo‘lib o‘tgan dastlabki uch o‘yinning har birida muvaffaqiyat qozongan.
9. Bahodir Nasimov va Odil Ahmedov Qatar darvozasiga ikki martadan yo‘l topgan.
10. Qatar darvozasiga gol urgan va ayni paytda ham milliy terma jamoada faoliyatini davom ettirayotgan futbolchilar soni ikki nafar — Server Jeparov va Odil Ahmedov(Sanjar Tursunovni kiritmadim, muallif);
>> So‘nggi daqiqalar talvasasi
11. O‘zbekiston termasi Qatarga qarshi kechgan so‘nggi 6 o‘yinning birortasida mag‘lubiyat tugul, durang ham o‘ynamagan;
12. Xorxe Fosatti boshqaruvidagi Qatar so‘nggi 4 o‘yinning birortasida g‘alaba nimaligini bilmagan;
13. Birinchi davrada qatarliklar darvoza tomon eng ko‘p zarba yo‘llagan jamoa bo‘lishgan edi. Biroq o‘rtacha har o‘yinda 5,6 ta zarba yo‘llagan Qatar bor-yo‘g‘i 3 ta to‘p kiritgan xolos;
14. Aytgancha, Qatarga qarshi bellashuvda Islom To‘htaxo‘jaev sariq kartochkalari ko‘payib ketgani sabab jamoamizga yordam bera olmasligini aytish yoddan ko‘tarilibdi;
15. Yana bir narsa, Uchrashuv bosh hakami etib iroqlik Muhammad Qosim Sarray tayinlangan.
Unga qanotlarda hamyurtlari Muhammad Muayyad Ali va Vothiq Obaid al-Suaydilar yordam beradi. To‘rtinchi hakam vazifasini ham iroqlik Zoid Tamer Muhammad bajaradi. Hakamlar nazoratchisi – Yoqub Muhammad Rodzali (Malayziya). Uchrashuv komissari etib hindistonlik Prints Rufus tayinlangan.
Tavsiya etamiz:
- Hakamlar “Barselona”ga yon bosadi(mi)
- Mashxur futbol muxlislari. DJ Pilligrimdan Sevara Nazarxongacha...
- Uels terma jamoasi to‘purarlari. Top-5
Shahzod Xolboev tayyorladi
Fikrlar