Ўзбекистон – Қатар учрашувига оид фактлар ва статистикалар

26 март, 00:34 1686

Ўзбекистон – Қатар учрашувига оид фактлар ва статистикалар

28 март куни ЖЧ-2018 саралаши сўнгги босқич 7-тури доирасида Самвел Бабаян бошчилигидаги Ўзбекистон миллий терма жамоаси Тошкентда Қатар термасига қарши баҳс олиб боради. Биз эса бўлажак ўйин олдидан сизларга айрим фактларни ва статистикаларни эътиборингизга ҳавола этамиз.

>>Футбол тарихида энг кўп ўйин ўтказган 18 футболчи

>>Подольскини эслаб… Германия термаси тарихидаги энг яхши 5 тўпурар

>> Ўз анъанасига содиқ мураббий

 

1. Ўзбекистон миллий терма жамоаси Қатарга қарши 12 та беллашувда иштирок этган. Ўзаро Ўйинларда Қатар Ўзбекистонга қараганда уч марта камроқ зафар қучган. Яна 2 та ўйинда ғолибни аниқлаб бўлмаган;

2. Қатар терма жамоаси Тошкентга жами 4 бор ташриф буюрган бўлиб, уларнинг ҳаммасида имкониятни бой берган.

>> Терма жамоада энг кўп гол киритган 10 футболчи

3. Тошкентда Қатарга қарши баҳсларнинг 3 таси ЖЧ саралашида, қолгани эса Осиё кубоги саралашидаги тўқнашувлардир;

4. Қатарликлар Тошкентда ўтган баҳсларда фақатгина икки бор дарвозамизни ишғол этишга эришган. Ўз навбатида бизникилар ўз уйимизда қатарлик футболчиларга 13 та гол киритишнинг уддасидан чиқишган;

>> МЛСда ўйнаган жаҳон чемпионлари

5. Илк бор бу жамоалар Ливанда ўтган Осиё кубогида ўзаро тўқнаш келишган ва ўшанда 1:1 ҳисоби қайд этилган эди;

6. Ўзбекистон миллий терма жамоаси Қатар дарвозасига 12 ўйинда 21 та гол урган. Шуларнинг 15 таси ЖЧ саралашида урилган;

7. Қатар терма жамоаси дарвозасига энг кўп гол урган ўзбекистонлик футболчилар Миржалол Қосимов ва Фарҳод Тожиев ҳисобланади;

>>“Реал” Роналдусиз нечта соврин ютиши мумкин эди?

8. Тожиев 2009-йилнинг 28-март куни “хет-трик” қайд этган. Қосимов эса Қатарга қарши бўлиб ўтган дастлабки уч ўйиннинг ҳар бирида муваффақият қозонган.

9. Баҳодир Насимов ва Одил Аҳмедов Қатар дарвозасига икки мартадан йўл топган.

10. Қатар дарвозасига гол урган ва айни пайтда ҳам миллий терма жамоада фаолиятини давом эттираётган футболчилар сони икки нафар — Сервер Жепаров ва Одил Аҳмедов(Санжар Турсуновни киритмадим, муаллиф);

>> Сўнгги дақиқалар талвасаси

11. Ўзбекистон термаси Қатарга қарши кечган сўнгги 6 ўйиннинг бирортасида мағлубият тугул, дуранг ҳам ўйнамаган;

12. Хорхе Фосатти бошқарувидаги Қатар сўнгги 4 ўйиннинг бирортасида ғалаба нималигини билмаган;

13. Биринчи даврада қатарликлар дарвоза томон энг кўп зарба йўллаган жамоа бўлишган эди. Бироқ ўртача ҳар ўйинда 5,6 та зарба йўллаган Қатар бор-йўғи 3 та тўп киритган холос;

14. Айтганча, Қатарга қарши беллашувда Ислом Тўҳтахўжаев сариқ карточкалари кўпайиб кетгани сабаб жамоамизга ёрдам бера олмаслигини айтиш ёддан кўтарилибди;

15. Яна бир нарса, Учрашув бош ҳаками этиб ироқлик Муҳаммад Қосим Саррай тайинланган.

Унга қанотларда  ҳамюртлари Муҳаммад Муайяд Али ва Вотҳиқ Обаид ал-Суайдилар ёрдам беради. Тўртинчи ҳакам вазифасини ҳам ироқлик Зоид Тамер Муҳаммад бажаради. Ҳакамлар назоратчиси – Ёқуб Муҳаммад Родзали (Малайзия). Учрашув комиссари этиб ҳиндистонлик  Принц Руфус тайинланган.

Тавсия этамиз: 

Шаҳзод Холбоев тайёрлади