Амалдаги чемпионга қарши баҳс олдидан Месси ва Мбаппе машғулотларда қатнашмади

Франция чемпионати 12-туридан ўрин олган баҳсда ПСЖ ва "Лилль" жамоалари ўзаро баҳс олиб боради.

Мазкур баҳсда парижликлар етакчилари Лионель Месси ҳамда Килиан Мбаппе иштирок эта олмаслиги мумкин. Гап шундаки, ҳар икки футболчи ўйин олдидан ўтказилган жамоавий машғулотларни ўтказиб юборди.

Аввалроқ, франциялик ҳужумчида ЛОР инфекцияси аниқлангани хабар қилинганди. Унинг майдонга тушиши сўроқ остида эди. Бироқ Месси нега машғулотларда қатнашмагани сабаби номаълум. Ҳозирча, Париж клуби аргентиналикнинг ҳолати ҳақида хабар бермади.

Маълумот ўрнида, Почеттино шогирдлари 28 очко билан турнир жадвалида пешқадамлик қилаётган бўлса, амалдаги чемпион "Лилль" рўйхат экваторида жойлашган. Ўйин 30 октябрь куни бўлиб ўтиши режалаштирилган.

Фикрлар

Фикр қолдириш учун авторизациядан ўтинг!