Хави "Барса"нинг Чемпионлар лигасини тарк этганига изоҳ берди

Европа Чемпионлар лигаси 6-туридан ўрин олган баҳсда "Барселона" Мюнхенда "Бавария" меҳмони бўлди. 0:3 ҳисобида мағлубиятга учраган каталонияликлар гуруҳда 3-ўринни эгаллаб, Европа лигасига тушиб кетди.

Ушбу салбий натижадан кейин испаниялик мутахассис матбуот анжуманида қуйидаги фикрларни билдириб ўтди: "Ҳозир биз учун жуда оғир пайт. Лекин мен "Барса" билан бирга бўлишни истайман. Вазиятни тўғирлашга ҳаракат қиламиз.

Европа лигаси айни дамда бизнинг ҳақиқатимиз. Буни қабул қилиб, иштирокимизни шу ерда давом эттиришимиз лозим, гарчи мухлисларимиз бунга лойиқ бўлмаса ҳам. "Барселона"нинг барча мухлисларини ишонтириб айтмоқчиманки, биз жуда қаттиқ меҳнат қиламиз. Бугунги мағлубият бизни ўзгаришга мажбур қилиши керак".

Маълумот учун, "кўк-анорранглилар" ЕЧЛ "E" гуруҳида "Бавария" ва "Бенфика"дан ортда қолди.

"Бавария" мураббийи: Ўзимиз истаганимизда, бундан ҳам кўпроқ гол уришимиз мумкин эди

Фикрлар

Фикр қолдириш учун авторизациядан ўтинг!