Расман: Роналду барча даврларнинг энг яхши «Олтин тўпи» соҳиби деб топилди
Криштиану Роналду 2008 йилда олган «Золотой тўп»и билан тарихий рейтингда барча даврларнинг энг яхши мукофоти деб топилди.
«Ан-Наср» ҳужумчиси Криштиану Роналду «Барча даврларнинг «Олтин тўпи»» рейтинги ғолибига айланди. Бу ҳақда мукофотнинг расмий сайтида маълум қилинди.
Рейтингда биринчи ўринни Роналдунинг 2008 йилда «Манчестер Юнайтед» сафида тўп сурган вақтида қўлга киритган «Олтин тўпи» эгаллади. Ўша йили португалиялик футболчи овоз бериш жараёнида Лионель Месси ва Фернандо Торресдан устун келган эди.
Иккинчи ўриндан Мессининг 2012 йилда «Барселона» сафида олган «Олтин тўпи» жой олди. Учинчи поғона эса Роналдунинг 2017 йилда «Реал»да ўйнаган вақтида қўлга киритган совринига насиб этди.
Аввалроқ овоз бериш ташкилотчилари ғолибни аниқлашда футболчининг фаолияти давомида жами нечта «Олтин тўп» ютганига эмас, балки совринни қўлга киритган муайян мавсумдаги ўзига хос индивидуал натижаларига асосий эътибор қаратилишини таъкидлаган эди.
Изоҳлар (0)