Голларга бой кечган "Андижон" - "Ротор" баҳсида ғолиб номи аниқланмади

Туркида йиғин ўтказаётган “Андижон” клуби бугун иккита назорат учрашувини ўтказишни режалаштирган. Дастлабки баҳс Волгограднинг “Ротор” клубига қарши бўлиб ўтиши белгиланган бўлиб, унда асосий таркибга номзод футболчилар синовдан ўтказилди.

“Андижон”: Элдор Адҳамов, Абдувоҳид Ғуломов, Илдар Маматказин, Азамат Исроилов,  Владимир Бубанья, Илҳом Алижонов, Муҳаммадкарим Тоиров, Горан Милочко, Фарҳод Соҳибжонов, Богдан Милич, Шаҳбоз Эркинов.

Захирадан майдонга тушганлар: Ислом Маматказин, Бобур Давлатов, Шерзод Эсонов, Аҳрор Иноятов.

Айтиш жоизки, ушбу беллашув қизиқарли ва голларга бой тарзда ўтди ва якунда томонлар 2:2 ҳисобидаги дурангга рози бўлдилар. Аввалига россияликлар ҳисобни очишди. Кейинчалик Владимир Бубанья ва Богдан Миличнинг голлари эвазига “Андижон” ҳисобда олдинга чиқиб олганди. Бироқ учрашув охирларига яқин “Ротор” футболчилари мувозанатни тикладилар.

Режага кўра, “Анlижон” бугуннинг ўзида иккинчи назорат учрашувини Украинанинг “Ворскла-U21” жамоасига қарши ўтказади. Унда кўпроқ ёш футболчиларга имконият берилади.