Роналду Европа футболини тарк этсин!

“Ювентус” клубининг собиқ президенти Жованни Коболи Жильи “Манчестер Юнайтед” ҳужумчиси Криштиану Роналду ҳақидаги фикр-мулоҳазаларини билдирди.

- Роналду ўзига хос характерга эга бўлган буюк чемпион. Унинг жамоадошлари билан муносабатларида зиддият юзага келиши табиий ҳол. У улардан ажралиб қолган ва оиласи билан яшайди.

Чемпионлар лигасисиз қолиш уни қийнаяпти, лекин бунга кўникиши керак.

Балки уммонортига кетиб, АҚШ чемпионатида тўп тепиш вақти келгандир. У ердаги клублар Роналдунинг маош бўйича талабларини бажаришга қодир ва Криштианунинг ўзи ҳам нимадир янги соврин ютиши мумкин, - деди Жованни Коболи Жильи.