Винисиус энди Ҳусановдан қочолмайди!
Англиядаги ягона футболчимиз – Абдуқодир Ҳусанов секин-аста “Манчестер Сити”нинг асосий таркибига ёриб кирмоқда.
Ҳозирча, янги жамоаси сафида уч маротаба майдонга тушган бўлса, “Челси”га қарши ўтказилган учрашувнинг дастлабки беш дақиқасини инобатга олмаганда, Абдуқодир жуда яхши ҳаракат қилмоқда. Буни Хосеп Гвардиола, “Манчестер Сити” футболчилари, экспертлар ҳам таъкидламоқда.
“Лейтон Ориент”га гол урган, “Ньюкасл”нинг Александер Исаак бошчилигидаги ҳужумчиларига ўйин бермаган учрашувлардан кейин Ҳусанов “шаҳарлик” фанатларнинг ишончини ва меҳрини қозонди.
Олдинда “Манчестер Сити”ни ниҳоятда мураккаб тўқнашув – “Реал”га қарши баҳс кутиб турибди. Европа Чемпионлар лигаси плей-офф босқичининг биринчи учрашувида манчестерликлар ўз майдонида мусобақанинг амалдаги ғолибига 2:3 ҳисобида ютқазиб қўйган.
Энди “Сити” мухлислари ижтимоий тармоқларда Хосеп Гвардиоладан Абдуқодир Ҳусановни Мадридда бўладиган беллашувда майдонга туширишини сўраяпти.
Sports.uz портали англиялик мухлисларнинг Абдуқодир Ҳусанов ҳақидаги фикр-мулоҳазаларини ўзбекистонлик футбол ишқибозлари эътиборига ҳавола қилишда давом этади.
FeLo KE:
Ҳусанов ҳақиқий жанговар менталитетга эга экан. 45-рақамли футболчимиз ҳали Англия Премьер-лигасининг энг зўр ҳимоячисига айланади.
Winfred Don Aki:
Агар “Ньюкасл”га қарши Абдуқодир Ҳусанов, Нико Гонсалес ва Умар Мармуш эмас, Мануэль Аканжи, Бернарду Силва ва Кевин де Брюйне ўйнаганида аниқ ютқазиб қўярдик.
Joseph Aka Cement:
Ҳусанов жуда яхши ҳимоячи экан.
Star Miracle:
Ҳусанов Мадриддаги ўйинни илк дақиқалардан бошлаши керак.
Imeldah Trinah Fabiola:
Ҳусановни яхши кўриб қолдик ва ҳурматимизни қозонди. Учрашувларда жуда яхши ўйнаяпти. Хосеп Гвардиола “Реал”га қарши баҳсда ҳам унга имкон беришига умид қиламиз.
Itx Mephias:
Футболчиларимиз ана энди фанатлар кутган ўйинни намойиш қила бошлади. Ҳусанов ҳимоявий ўйинда жуда мукаммал ҳаракат қилди. Унинг салоҳияти улкан экан. Абдуқодир ўзига ишонган ва хотиржам ўйинчи.
Fish King:
Менга Жон Стоунз ва Абдуқодир Ҳусановнинг биргаликдаги ўйини жуда ёқди.
Dzzum Dzxum:
Ҳусанов ва Стоунз супер ҳимоячилар.
Francis Mackson Mwale:
Ҳусанов рақиб юлдузи Александер Исакни ўйиндан чиқариб ташлади.
Køñ Trøllã:
Ҳусанов ҳақиқатан жуда яхши ўйнаяпти.
Raa Saga:
Ҳусанов “Реал”га қарши бўладиган тўқнашувда дастлабки 11 та футболчи қаторидан жой олиши керак. Абдуқодирдан бизга совринларни қайтариб олиб беришни кутяпмиз.
Nazri D Anwar
Пеп қайсарлик қилмасдан, Ҳусановни асосий таркибда ўйнатавер.
Charal Jesus:
Ҳусанов ёмон тезкор экан...
Joao Felix:
Мана шу таркибдагилар Мадридда ҳам ўйнаши керак.
Baeti Molefi:
Ҳусанов ўйин давомида Льюиснинг камчиликларини жуда кўп маротаба тўғрилади. Тезкор ўйинчи сифатида ёрқин ўйнади.
Meluleki MJ Dubé:
Абдуқодирни қудратли “Реал”га қарши ўйинда кутамиз.
Mulumbi Chisanga Bhienwell:
“Ньюкасл”га қарши зўр ўйнадик. Навбат “Реал”га. 45-рақамни аниқ бошланғич таркибда тушириш керак. Шунда ютишимиз мумкин.
Smosh Jackson:
Абдуқодир Ҳусанов тезкор ва ишончли ҳимоячи экан.
Gracer:
Ҳусановнинг бу ўйинидан кейин Мануэль Аканжи таркибдаги жойини буткул йўқотди.
Zoble times:
Ҳусанов Мадридда ҳам ўйнасин!
Obaro Utho:
Агар Абдуқодир Ҳусанов “Реал”га қарши биринчи учрашувда ўйнаганида Винисиус Жуниор ўндан қочиб кетолмасди.
Майли ҳеч қиси йўқ. Навбатдаги учрашувда Ҳусанов майдонга тушади, биз ғалаба қозонамиз ва кейинги босқичга чиқамиз.
Фикрлар