"CAFA Nation's Cup". Шомуродовнинг икки голи эвазига Ўзбекистон Туркманистондан устун келди

"CAFA Nation's Cup" турнири гуруҳ босқичи иккинчи туридан ўрин олган Туркманистон  - Ўзбекистон ўйини якунига етди. Унда вакилларимиз ишончли 2:0 ҳисобидаги ғалабани қўлга киритди. 

52-дақиқада Ҳожимат Эркиновнинг узатмасидан сўнг Элдор Шомуродов аниқ зарба йўллаб, ҳисобни очди. Иккинчи гол ҳам яна ўша Элдор номига қайд этилди. Маҳоратли ҳужумчимиз 86-дақиқада ўз номини иккинчи бор таблога ёздириб қўйди.

Эслатиб ўтамиз, гуруҳнинг сўнгги баҳсида Ўзбекистон Тожикистон билан куч синашади. Беллашув 17 июнь куни бўлиб ўтиши белгиланган.