Аморимнинг сабр косаси тўлди

"Манчестер Юнайтед" бош мураббийи Рубен Аморим жамоа дарвозабони Андре Онанани асосий таркибдан олиб ташлаш ҳақида ўйламоқда.

"Daily Mail" нашрининг ёзишича, бу қарорга келишига Онананинг Европа Лигаси чорак финалининг биринчи ўйинида "Лион"га қарши йўл қўйган хатолари сабаб бўлган. Айнан унинг хатолари туфайли МЮ ғалабани қўлдан бой берган.

Эслатиб ўтамиз, ўйиннинг сўнгги сонияларида Онана тўпни ноқулай тарзда кафтлари билан олдинга қайтарган, натижада рақиблар ҳисобни тенглаштирган (2:2). Биринчи гол ҳам дарвозабоннинг хатоси билан боғлиқ бўлиб, у узатмани тутиб қололмаган.

Яқинлашиб келаётган АПЛ доирасидаги "Ньюкасл"га қарши ўйинда португалиялик мутахассис дарвозага Алтай Байиндирни қўйишни режалаштирмоқда.

Жорий мавсумда Онана барча мусобақаларда 43 та ўйинда иштирок этиб, 56 та гол ўтказиб юборган. Шунга қарамай, Андре 10 учрашувда дарвозасини дахлсиз сақлаб қолишга муваффақ бўлган.