Беллингем "Реал" мухлисларига мурожаат билан чиқди

Жуд Беллингем "Реал Мадрид" Чемпионлар Лигасини тарк этганидан сўнг клуб мухлисларидан узр сўради.

- Биз кутилганидек ўйнай олмадик. Кечиринглар мадридликлар, бу тўқнашувлар ва турнир сиз учун қанчалик муҳимлигини тушунамиз.

Бу мавсумни яхши натижалар билан якунлаш имконияти бор, лекин бунга фақат биргаликда эришишимиз мумкин. "Реал Мадрид" албатта қайтади! - деб ёзди "қаймоқранглилар" ярим ҳимоячиси Инстаграм саҳифасида.

Мадридликлар чорак финалнинг иккала ўйинида ҳам "Арсенал"га (0:3, 1:2) мағлуб бўлиб, мусобақани тарк этди.