Мирафзал Ахтамовдан супер янгилик!

Юртимизнинг кўзга кўринган ММА жангчиларидан бири Мирафзал Ахтамовнинг навбатдаги жанг санаси маълум бўлди. Хабарингиз бор, Мирафзал жаҳоннинг энг кучли промоушенларидан бири ПФЛ билан шартнома имзолаб, биринчи жангида ажайиб ғалабани қўлга киритган эди. 

Спортчимизнинг сайтимизга маълум қилишича унинг навбатдаги жанг санаси маълум. Бироқ, бу сафар ПФЛда эмас. БААнинг янги лигаси "971 MMA FC" турнирида 14 июнь куни октагонга кўтарилади. Албатта, бу дегани ПФЛ билан шартнома бекор қилингани йўқ. Янги лигани раҳбарияти ПФЛ билан келишувга эришган ва битта жанг учун руҳсат сўраган. Ҳозирча рақиб маълум эмас. Тез орада бунга ҳам ойдинлик киритилади. Воқеалар ривожини бизда кузатиб боринг! Шу ўринда яна бир маълумотни айтиб ўтишни лозим топдик. Мирафзал Ахтамов менежерлик фаолиятини ҳам йўлга қўйди ва у Америка промоушенларининг баъзиларининг расмий вакилига айланди. 

Маълумот учун, юртдошимиз 9-0 рекордга эга.