Ҳусановнинг дўсти “қўрқоқлиги” учун кескин танқидга учради!

“Манчестер Сити” Англия кубоги финалида “Кристал Пэлас”га ютқазиб қўйди ва мавсумни соврин билан якунлаш борасида сўнгги имкониятидан ҳам фойдалана олмади.

Учрашувнинг 16-дақиқада “Кристал Пэлас” вакилларидан Эберечи Эзе аниқ зарба билан ҳисобни очишга муваффақ бўлди. Бироқ беллашувдаги кульминацион вазият 33-дақиқага тўғри келди. Рақиб жарима майдончасига ёриб кирган Бернарду Силвани Тайрик Митчелл ўйин қоидасини бузган ҳолда тўхтатди.

Видеотакрорни кўрган бош ҳакам Стюарт Аттуэлл пенальти белгилади. Аввалига 11 метрлик белгидан зарба беришга тайёргарлик кўриб турган Эрлинг Холанд масъулиятни бўйнига олишга ботина олмади. Норвегиялик ҳужумчи пенальти тепишни Умар Мармушга топширди. Мисрлик футболчи йўллаган тўпни “Кристан Пэлас” дарвозабони Дин Хендерсон қайтарди.

Шу тариқа, манчестерликлар ҳисобни тенглаштириш ва ўйинда бурилиш ясаш имкониятини қўлдан чиқарди. Охир-оқибат бош совринни рақиб илиб кетди.

Айни пайтда экспертлар бу ўйин таҳлили билан банд. Англия футболи афсоналаридан Уэйн Руни эса масъулиятдан қочган Эрлинг Холандни кескин танқид қилди.

- Эрлинг Холанд – жаҳон даражасидаги ҳужумчи, лекин Лионель Месси ва Криштиану Роналдудек, бўла олмас экан. Бу иккиси бунақа вазиятда ҳеч қачон тўпни бошқасига бериб қўймайди.

Айнан мана шу омил Месси ва Роналдуни Эрлинг Холанд, Килиан Мбаппе ва бошқа ўйинчилардан ажратиб туради. Уларда керакли даражада худбинлик бор ва ҳар бир ўйинда гол уриш имкониятидан фойдаланишга ҳаракат қилишади.

Ўйлашимча, Холанд қулай вазиятларни бой берганида бу ҳолат унга салбий таъсир қила бошлайди. Балки “Уэмбли”да пенальтини амалга ошириш Эрлинг учун жуда оғирлик қилгандир. Нима бўлишини ҳеч ким билмайди, - деди Уэйн Руни.

Эрлинг Холанд ўзи ўйнаган Австрия, Германия, Англия лигаларида ҳар доим тўпурарлик маҳоратини намойиш қилиб келган. Бироқ 24 ёшли ҳужумчи “Манчестер Сити”га келганидан бери бир “қора анъана”га чек қўя олмаяпти.

Моҳир форвард “шаҳарликлар” сафида турли мусобақаларнинг саккизта финалида иштирок этди. Шунга қарамай, Эрлинг ҳал қилувчи учрашувларда бирорта самарали ҳаракатни амалга ошириб, гол ёки ассист муаллифи бўлгани йўқ.

Айнан мана шу ҳолат кўпинчи Эрлинг Холанднинг экспертлар ва мухлислар томонидан танқид остига олинишига сабаб бўлмоқда.

 “Уэмбли” стадиони мезбонлик қилган Англия кубоги финали қайдномасига ҳамюртимиз Абдуқодир Ҳусанов ҳам киритилди. Бироқ 21 ёшли ҳимоячимиз ўйинни захира ўриндиғидан кузатиб ўтирди.  

Эслатиб ўтамиз, Абдуқодир Ҳусанов шу йилнинг январь ойида Франциянинг “Ланс” клубидан “Манчестер Сити”га кўчиб ўтганида жамоа етакчилари, хусусан, Эрлинг Холанд ҳам ўзбек легионерини қўллаб-қувватлаб, янги муҳитга мослашишига ёрдам берган эди.

Машҳур легионеримиз 9-клубидан ҳам кетди!

Шомуродовни Чемпионлар лигасида кўрамизми?

Бу юлдуз келса, Ҳусановга “Сити”да аниқ “нон” қолмайди!

Раньери ва Шомуродов А Серияни даҳшатга солмоқда

Шомуродов “Рома”нинг “топ-5”даги тарихий рекордини таъминлаб берди!

Ҳусанов жамоасига яхши хабарлар кела бошлади!