Ягона голни киритган Элдор Шомуродов нечи баллга лойиқ кўрилди?

А Сериянинг навбатдаги туридан ўрин олган баҳсда Клаудио Раньери бошчилигидаги "Рома" "Верона" билан куч синашиб, минимал 1:0 ҳисобида зафар қучди. Учрашувдаги ягона голни ҳам ҳамюртимиз Элдор Шомуродов 4-дақиқада ўз ҳисобига ёздириб қўйди. 
 
Миллий терма жамоамиз сардорининг ушбу ўйиндаги ҳаракатларини кўплаб машҳур сайтлар баҳолашди. 
 
Fotmob вакилимизни 7.2 баллга лойиқ кўрган бўлса, Sofascore портали Шомуродовга 6.8 балл қўйди. Бундан ташқари, яна бир машҳур нашрлардан бири ҳисобланган Flashscore сайти эса ҳамюртимизга 7.3 балл берди. 


 
Маълумот ўрнида, "Рома" навбатдаги учрашувини 26 апрель куни Миланнинг "Интер" клубига қарши ўтказади. Ушбу беллашув Тошкент вақти билан 21:00 да старт олади.