Жоау Фелиш Саудия Арабистонига йўл олиши мумкин

"TalkSPORT" нашрининг хабар беришича, португалиялик вингер Жоау Фелишнинг келажаги яна номаълумлигича қолмоқда. Ҳозирда у "Челси"га тегишли ҳисобланади, аммо унинг Саудия Арабистони чемпионатига кўчиб ўтиши эҳтимоли бор.

Футболчига жиддий қизиқиш билдирган жамоалардан бири — "Неом". Бу клуб яқинда Саудия Арабистонининг элита дивизионига кўтарилди ва янги даражадаги дебюти учун таркибни кучайтириш ниятида. "Неом" биринчи дивизионда рақибидан 14 очко фарқ билан чемпионликни қўлга киритди ва ҳужум чизиғини кучайтириш учун Фелишни жамоага жалб қилмоқчи.

Бундан ташқари, "Ан-Наср" клуби ҳам футболчини кузатиб бормоқда. Агар Луис Диасни олиб келиш музокаралари муваффақиятсиз якунланса, Фелиш улар учун асосий альтернативага айланади. Саудиялик гранд клуб бу трансфер бўйича шартларни ўргана бошлаган.

Эслатиб ўтамиз, Жоау ўтган баҳор мавсумида "Милан" сафида ижара асосида ўйнаган эди, аммо унинг доимий келажаги ҳануз номаълум.