"Манчестер Сити" августда Италия клуби билан ўртоқлик учрашувини ўтказади

Англиянинг "Манчестер Сити" клуби расмий сайти орқали янги мавсумга тайёргарлик доирасида Италиянинг "Палермо" жамоасига қарши ўртоқлик ўйини ўтказишини маълум қилди.

Беллашув 9 август, шанба куни Италиянинг Сицилия шаҳрида жойлашган "Ренцо Барбера" стадионида бўлиб ўтади. Қизиқ томони шундаки, ҳар икки жамоа "City Football Group" холдингига тегишли бўлиб, улар ўзаро ҳамкор ҳисобланади. "Палермо" 2022 йилда ушбу холдинг таркибига қўшилган 11-клуб бўлган.

Маълумот учун, "Палермо" Италиянинг Сериа Б – мамлакатдаги иккинчи даражали чемпионатда иштирок этади. Жамоа ўтган мавсумни саккизинчи ўринда якунлаган.

Эслатиб ўтамиз, "шаҳарликлар" жорий ёзда Клублар ўртасидаги Жаҳон чемпионатида иштирок этди ва 1/8 финалда "Ал-Ҳилол"га мағлуб бўлиб, мусобақани тарк этган эди.