Италия гранди МЮ юлдузига таклиф тайёрлаяпти

"Манчестер Юнайтед"нинг  аргентиналик вингери Алехандро Гарначо ҳамон "Наполи"нинг трансфер шорт-листидан жой олган.

Тhе Mirror хабарига кўра, Италия клуби 20 ёшли футболчини сотиб олиш учун тахминан 52 миллион евро ажратишга тайёр. Футболчининг "қизил иблислар" билан амалдаги шартномаси 2028 йилнинг ёзида ўз ниҳоясига этади.

Ўтган мавсумда Гарначо барча мусобақаларда 58 та жанг ўтказди. Аргентиналик футболчи ўз ҳисобига 11 та гол ва 10 та голли узатма ёздириб қўйган. Transfermarkt портали футболчининг бозор нархини 45 миллион еврога баҳоламоқда.