"Навбаҳор" Содиқовдан сўнг Мустафо Абдуманнопов трансферини ҳам эълон қилди

Хабарингиз бор, Ўзбекистон Суперлигасининг "Навбаҳор" клуби бир неча дақиқа олдин Жалолиддин Содиқовни ўз сафига қўшиб олган эди. Клуб ҳозир Мустафо Абдуманноповни ҳам трансфер қилганини маълум қилмоқда. 
 
Мустафо 2003 йил, 21 июль куни Андижонда туғилган бўлиб, шу кунга қадар "Олимпик" ҳамда "Қўқон-1912" клубларида ҳаракат қилган. Абдуманноповнинг позицияси эса майдоннинг маркази яъни ярим ҳимоячи ҳисобланади. 
 
"Биз Мустафога жамоамизда омад ёр бўлиб, “лочинлар”нинг ғалабаларига муносиб ҳиссасини қўшишига тилакдошмиз. 
 Хуш келибсан, Мустафо!" - дея эълон қилди клубнинг матбуот хизмати.