"Челси" чемпионлик ортидан қанча даромад кўрди?

Лондоннинг "Челси" клуби Клублар ўртасидаги Жаҳон чемпионатидаги муваффақиятли иштирок ва ғалаба орқали рекорд даражадаги даромадга эришди.

Энцо Мареска шогирдлари финалда ПСЖни 3:0 ҳисобида мағлуб этди ва чемпионликни қўлга киритди. Умумий ҳисобда "Челси" 7 та ўйинда қатнашиб, 120 миллион доллар (90 миллион фунт) даромад қилди.

Шунингдек, "аристократлар" кейинги тўрт йил давомида ўз либосида КЎЖЧ ғолиби эмблемасини тақиб юради. Бу ҳуқуқ уларга кейинги мусобақагача берилади.