МЮ "Лион" футболчисини олиб келиш учун алоқаларни бошлади

"Манчестер Юнайтед" Франциянинг "Лион" клуби ярим ҳимоячиси Корантин Толиссо билан қизиқмоқда. Бу ҳақда "L’Equipe" нашри хабар берди.

Манбани маълум қилишича, манкунианликлар футболчининг атрофидаги шахслар билан алоқага чиққан. Эслатиб ўтамиз, 30 ёшли франциялик футболчи шу ёзда Туркия жамоаларидан тушган икки таклифни рад этган эди.

"Лион" раҳбарияти Толиссони сақлаб қолишни хоҳламоқда ва келаси мавсум жамоани айнан у атрофида шакллантиришни режалаштирган. Бироқ, унинг кетиши клубга маошлар юкини енгиллаштириш имконини бериши мумкин — ҳозирда у жамоадаги энг кўп маош олувчи футболчи саналади.

Толиссога Саудия Арабистони Про-лигасига кўтарилган "Неом" ҳамда Мадриднинг "Атлетико" клуби ҳам қизиқиш билдирмоқда. Унинг трансфер баҳоси тахминан 10 миллион еврога баҳоланмоқда.