Хаби Алонсо "Челси" етакчиларидан бирини олиб келмоқчи

Мадриднинг "Реал" клуби Лондон "Челси"сининг етакчи футболчиси Коул Палмерни ўз сафига қўшиб олишни режалаштирмоқда. Бу ҳақда "Madrid Universal" аккаунти хабар тарқатди.

Маълумотларга кўра, англиялик ярим ҳимоячининг трансферига "қироллик клуби"нинг янги бош мураббийи Хаби Алонсо шахсан қизиқмоқда. У Палмерни ўз тактик схемасига мос футболчи сифатида кўрмоқда.

21 ёшли футболчи жорий мавсумдаги Клублар ўртасидаги Жаҳон чемпионатида энг яхши футболчи деб топилган эди. Унинг "аристократлар" билан амалдаги шартномаси 2033 йилнинг июнигача мўлжалланган.

Transfermarkt маълумотига кўра, унинг баҳоси 120 миллион еврони ташкил қилади. Аввалроқ, унга ПСЖ клуби ҳам қизиқиш билдиргани хабар қилинган эди. Шунга қарамасдан, лондонликлар ўзининг ишончли футболчисини қўйиб юбормоқчи эмас.