“Real” Vinisiusni sotadi. Sababi g‘alati...

“Real” braziliyalik legioner Vinisius Junior bilan yangi shartnoma imzolash masalasini ortga surib yubordi. Vaziyat avvalgidek emasligi aytilmoqda.

Sport.es nashrining xabariga ko‘ra, Vinisius o‘tgan yili yozda jamoaga Kilian Mbappe olib kelinganini o‘zigining kelajagi uchun xatarli, deb hisoblamoqda. Shu bois, braziliyalik yulduz yangi shartnomada o‘zi jamoada eng katta maosh oladigan futbolchiga aylantirishlari talabini qo‘di.

O‘yinchining bu talabi klub xo‘jayini Florentino Peresga yoqmadi.

Vinisius bilan yangi bitim muzokaralari jamoani Xabi Alonso qabul qilib olganidan keyin to‘liq to‘xtadi. Yangi bosh murabbiy bu hujumchini o‘ziga muammo tug‘diradigan o‘yinchi sifatida qabul qilgan.

Endi madridliklar Vinisiusni Saudiya Arabistoni klublariga sotib yuborib, g‘aznaga kirim qilish masalasini ko‘rib chiqmoqchi.