Лапорта "Олтин тўп" соврини бўйича баёнот берди
Каталонияликлар Ламин Ямалга ишонган эди
«Барселона» президенти Жоан Лапорта «Олтин тўп» соврини соҳиблари эълон қилинганидан сўнг ўз фикрларини билдирди.
Бу йилнинг энг яхши футболчиси деб «Бавария» ҳужумчиси Ҳарри Кейн топилди. «Барселона»нинг ёш вингери Ламин Ямал эса учинчи ўринни эгаллади. У «Реал» юлдузи Килиан Мбаппедан ҳам ортда қолди.
«Ламин ўзини «Олтин тўп»га муносиб даражада кўрсатди, лекин афсуски, соврин унга насиб қилмади», – дея Лапортанинг сўзларини келтиради BarcaTimes.
Клуб президенти сўнгги ойларда каталонияликлар таркибида порлаётган 19 ёшли футболчининг номзодини фаол тарғиб қилиб келаётган эди.
Эслатиб ўтамиз, ўтган йили Ламин Ямал сўровнома натижаларига кўра иккинчи ўринни эгаллаган, ундан фақат ПСЖ ҳужумчиси Усман Дембеле устун келган эди.
Изоҳлар (0)