“Барса”га Ҳусановни танлашди
Ўзбек футболчиси Ханси Флик нишонида
2026 йил кузининг ўрталарида “Барселона” бир нечта ҳимоячисининг жароҳат олиши билан боғлиқ муаммога дуч келди. ПСЖ ва “Реал”га қарши учрашувларда каталонияликларга Андреас Кристенсен, Жюль Кунде ва Эрик Гарсия ёрдам бера олмади. “Эл-класико”да эса Ханси Флик ёш иқтидор Хави Эспартни ҳам йўқотди.
Таркибдаги бундай инқироз шароитида “Барселона”нинг “Манчестер Сити” ҳимоячиси Абдуқодир Ҳусановга қизиқиш билдираётгани бежиз эмас.
Нуфузли манбалар Ўзбекистон миллий терма жамоаси ҳимоячининг Каталония суперклубига трансфер қилиниши эътимолини таҳлил қилмоқда. Хўш, бу трансфер амалга ошиши эҳтимоли қандай?
FullTime Report нашрининг хабар беришича, каталонияликлар Ҳусановга қизиқиш жиддий билдирмоқда ва “Сити”нинг молиявий фэйр-плей билан боғлиқ айбловлар бўйича муаммоларидан фойдаланиб, уни қишки трансфер ойнасида ўз сафига қўшиб олишга уриниб кўради.
Хўш, Абдуқодир ҳақиқатан ҳам “Барселона”га керакми?
Экспертлар бу саволга “Шубҳасиз, Ҳусанов каталонияликларга фойда келтира олади”, деб жавоб бермоқда ва қуйидаги фактларни келтиряпти. .
Биринчидан, ўзбекистонлик футболчи универсал. У ҳимоянинг ўнг қанотида ҳам, марказида ҳам ўйнай олади. Бу мавсумдан Ҳусановнинг имкониятларидан ҳимоянинг чап томонида ҳам фойдаланишяпти. Бу Флик учун жуда муҳим шарт. Немис мураббийи ҳам тез-тез таркибни ўзгартириб туради ва марказий ҳимоячилардан қанотда фойдаланади. Бир вақтлар айнан “Манчестер Сити”дан келган Эрик Гарсия бунинг яққол мисолидир.
Иккинчидан, Ҳусановнинг тезлиги “Барселона”нинг агрессив ўйин услубига жуда мос келади. Гвардиоланинг ўзбекистонлик футболчини ҳимоячилар ортига узатиладиган тўпларга қарши ўйини учун мақтагани ёдингиздами? Каталонияда бу қобилият Абдуқодирни Пау Кубарси билан бир қаторда ҳимоя чизиғининг етакчи футболчиларидан бирига айлантириши мумкин.
У юқорида жойлашган ҳимоя чизиғида ўйнай олади ва орқа чизиқдаги вазифаларини ҳам бажаради. Чидамлилик билан боғлиқ муаммолар ҳам йўқ.
Учинчидан, Ҳусанов Гвардиола ва Мареска қўл остида ишлаган. Уларнинг талабларини бажара олган футболчи дунёнинг етакчи клубларида ҳам йўқолиб қолмайди.
Қолаверса, сўнгги пайтларда Манчестердан Каталонияга кўчиб ўтиш йўналиши анча фаоллашган. “Барселона”нинг ҳозирги футболчиларидан Жоау Канселу, Эрик Гарсия, Родри ва Габриэл Жезус аввалроқ “Манчестер Сити”да тўп сурган.
Сўнгги вақтларда Жоан Лапорта Англия футбол бозорига ҳам тез-тез мурожаат қилмоқда. “Лидс”дан жамоанинг асосий юлдузларидан бири Рафинья олиб келинган. Яқинда эса Энтони Гордон билан шартнома имзоланди. Шунинг учун Ҳусановнинг ҳам “Барселона”га ўтиши ғайриоддий ҳолат бўлмайди.
Тўртинчидан, “Барселона”даги кадрлар билан боғлиқ вазият ҳам трансфер учун қулай. Ҳозирда жамоанинг тўрт нафар ҳимоячиси жароҳат олган. Ҳусанов эса шунчаки захира футболчиси бўлиб қолмайди. Уни асосий таркибга ҳам қўшиш мумкин.
Изоҳлар (0)