UFC собиқ чемпиони октагонга ўзбекистонлик жангчига қарши жанг билан қайтади

UFC бўйича ўрта вазн тоифасида собиқ  чемпион, австралиялик таниқли жангчи Роберт Уиттакер 6 февраль куни Сидней шаҳрида бўлиб ўтадиган UFC Fight Night 298 турнирида октагонга қайтиши кутилмоқда.

Унинг навбатдаги рақиби Ўзбекистон номидан жанг қилаётган Богдан Гусьсков бўлади. Ушбу жанг ярим оғир вазн тоифасида бўлади ва кечанинг асосий жангларидан бири сифатида тақдим этилади.

Роберт Уиттакер охирги марта Австралияда 2019 йилда, UFC 243 турнири доирасида жанг қилган эди. Ўшанда у Исраэль Адесаньяга мағлуб бўлиб, чемпионлик камаридан айрилган. Сиднейдаги сўнгги жангини эса у янада олдинроқ — 2014 йилда ўтказган. Уиттакернинг ҳозирча энг сўнгги жанг санаси 11 июль: у шу куни украиналик Никита Криловни техник нокаут билан мағлуб этган.

Богдан Гусьсков эса охирги марта 26 июль куни октагонга кўтарилган. Ўша жангда у россиялик жангчи Магомед Анкалаевга техник нокаут орқали имкониятни бой берган.