Роналду "Пахтакор" ўйинига муносабат билдирди
Криштиану Тошкентга кела олмаганидан афсусда бўлса керак
«Ан-Наср» жамоаси Тошкентда «Пахтакор» устидан қўлга киритган йирик ғалабадан сўнг жамоа етакчиси, Португалия терма жамоаси ҳужумчиси Криштиану Роналду ҳам ўз муносабатини билдирди.
Машҳур португалиялик футболчи ўзининг Instagram саҳифасида учрашув ҳисобини акс эттирган расмий баннерни сторис сифатида жойлаштирди ва унга учта ёниб турган оловча шаклидаги смайлик қўйди.
Эслатиб ўтамиз, 2 ноябрь куни Тошкентда бўлиб ўтган ОФК Элит Чемпионлар лигаси баҳсида «Ан-Наср» футболчилари «Пахтакор»ни 6:2 ҳисобида мағлуб этди.
Шу билан бирга, ушбу ўйинда Роналду майдонга тушмади. Аввалроқ «Ан-Наср» бош мураббийи Анже Постекоглу португалиялик юлдуз нега учрашувда иштирок этмаганини изоҳлаб, унга дам бериш зарурлигини айтган эди.
Мураббийга кўра, 41 ёшли ҳужумчи зич ўйин тақвими ва узоқ парвозлардан сўнг тикланишга муҳтож бўлган. Ундан олдин Роналду Саудия Арабистони чемпионатида хет-трик қайд этган эди.
Роналдунинг эҳтимолий равишда Ўзбекистонга келиши мамлакат футбол жамоатчилиги ва мухлислар орасида катта қизиқиш ва муҳокамаларга сабаб бўлганди.
Изоҳлар (0)