Мексиканинг Россиядаги фавқулодда ва муҳтор элчиси Норма Пенсадо Морено ЖЧ-2018ни томоша қилиш учун океан ортидаги юртидан қанча мухлис ташриф буюуриши ҳақида айтиб ўтди.

“Россия мексикалик мухлисларни ўзига жалб қиладиган ажойиб мамлакатга айланди. Ўтган йили ушбу мамлакатда бўлиб ўтган Кофендерациялар кубоги мусобақасини томоша қилиш ва терма жамоасини қўллаб-қувватлаш учун Мексикадан 2 мингга яқин ишқибоз ташриф буюрди. Шубҳасиз Россияга келганлар яна ушбу юртга сафар қилишни режалаштиришган.

Бизнинг режамиз бўйича ЖЧ-2018ни томоша қилиш учун Мексикадан 25 мингга яқин футбол мухлиси ташриф буюриши кутилмоқда. Ушбу турнирнинг аҳамиятини ҳисобга олсак, бу рақамлар янада ортиши мумкин.

Йилдан йилга футболга кўпроқ қизиқа бошлаяпман. Бизнинг терма жамоамиз бундай йирик мусобақаларда доимо яхши қатнашиб келган ва бу сафар ҳам ватандошларимга жаҳон чемпионатида энг яхши натижани қўлга киритишларини тилаб қоламан”, - дейди Морено.

Эслатиб ўтамиз, Мексика терма жамоаси жаҳон чемпионатининг “F” гуруҳидан ўрин олган. Ушбу гуруҳда шунингдек Германия, Швеция ҳамда Жанубий Корея терма жамоалари ҳам жой олишган.

«SPORTS.uz» сайтида чоп этилган материаллардан нусха кўчириш, тарқатиш ва бошқа шаклларда фойдаланиш фақат таҳририят ёзма розилиги билан амалга оширилиши мумкин.

ТАҲРИРИЯТ ҲАҚИДА

Гувоҳнома: №1002. Муассис: «RENDER SYSTEMS» МЧЖ.

Таҳририят манзили: 100047, Тошкент шаҳри, Истиқбол кўчаси, 15-уй.
Электрон манзил: info@sports.uz.
Телефон: +998 71 233-78-98