Чемпионлар лигасида энг кўп финалда мағлуб бўлган клублар рейтинги эълон қилинди

Европа Чемпионлар лигаси тарихида финалгача етиб бориш катта ютуқ саналади. Бироқ ҳал қилувчи учрашувда мағлуб бўлиш ҳам клублар тарихида алоҳида статистика сифатида қайд этилади.

Тарқалган рейтингга кўра, мусобақа финалларида энг кўп мағлуб бўлган клуб — "Ювентус" ҳисобланади. Туринликлар Чемпионлар лигаси ва унинг аввалги формати бўлган Европа чемпионлар кубоги финалларида 7 марта мағлубиятга учраган.

Иккинчи ўринни бирданига икки клуб — "Бенфика" ва "Бавария" эгаллаб турибди. Уларнинг ҳар бири финалда 5 марта имкониятни бой берган.

Кейинги поғоналардан "Ливерпуль" ва "Милан" (4 тадан), шунингдек "Атлетико", "Интер", "Барселона" ҳамда "Реал" (3 тадан) жой олган.

Қизиғи шундаки, рўйхатдан мусобақа ғолиблари қаторида энг кўп соврин ютган клублар ҳам ўрин олган. Бу эса уларнинг финалга тез-тез чиқиб турганини кўрсатади.

Рейтингнинг юқори қисми:
"Ювентус" — 7 та мағлубият
"Бенфика" — 5 та
"Бавария" — 5 та
"Ливерпуль" — 4 та
"Милан" — 4 та
"Атлетико" — 3 та
"Интер" — 3 та
"Барселона" — 3 та
"Реал" — 3 та

Қолган клублар эса финалдаги мағлубиятлар сонига кўра 1 ёки 2 тадан нохуш натижага эга.