Баҳром Муртазалиев: "Муҳаммад Алидек характерга эга боксчи бор"

Биринчи ўрта вазнда (69,9 кг) IBF чемпиони Баҳром Муртазалиев украиналик Александр Усикнинг савиясини юқори баҳолади.

"Усик ҳаммани қандай мағлуб этаётганига тушунмаяпман. Тайсон Фьюри, Энтони Жошуа каби йирик йигитлар билан жангларини кўринг. Айниқса,  Александр ва Тайсон ўртасида ҳажм жиҳатидан катта фарқ бор. Украиналик жуда кучли характерга эга боксчи. Биз тарихда фақат Муҳаммад Алидагина бундай характерни пайқагандик. Усик гўйо унга ўхшайди”, - деди Муртазалиев Асланбек Бадаевнинг You Tube даги каналига берган интервьюсида.

Эслатиб ўтамиз, Александр Усик ва Тайсон Фьюри ўртасидаги реванш жанги 22 декабрь куни Саудия Арабистонининг Ар-Риёд шаҳрида бўлиб ўтади.