"Бу футболчи учун "Олтин тўп"дан яхшироқ янги соврин яратилиши керак”

"Арсенал"нинг собиқ футболчиси Иан Райт "канонирлар" ярим ҳимоячиси Деклан Райс "Олтин тўп"ни қўлга киритиш учун катта имкониятга эга эканини айтди.

“Агар "Арсенал" Англия чемпионлигини қўлга киритса, Деклан Райс АПЛнинг энг яхши футболчисига айланиши керак. Агар "Арсенал" Чемпионлар лигасида ғолиб чиқса, Деклан Райс ҳам "Олтин тўп"ни қўлга киритиши керак. Агар Англия терма жамоаси жаҳон чемпионатида ғолиб чиқса, Деклан Райс учун "Олтин тўп"дан яхшироқ янги кубок яратилиши керак”,-дея Райтнинг сўзларини келтиради The Overlap.

Жорий мавсумда Деклан Райс "Арсенал" сафида барча мусобақаларда 48 та ўйин ўтказиб, бешта гол урди ва 11 та голли узатмани амалга оширди.