Жезушнинг қайси гапи Роналдунинг жаҳлига теккани ошкор бўлди
Криштианунинг жаҳли тез экан
Португалия терма жамоаси бош мураббийи Жорже Жезушнинг матбуот анжуманида айтган гаплари Криштиану Роналдуни жиддий ранжитгани хабар қилинмоқда.
The Athletic нашри ёзишича, 41 ёшли ҳужумчи мураббийнинг баёнотини ўзини атайлаб жазолашгани ҳақидаги ишора сифатида қабул қилган. Жезуш 30 сентябрь куни бўлиб ўтган матбуот анжуманида терма жамоа сардори билан боғлиқ можаро ҳақидаги саволларга жавоб берар экан, «Қарорларни мен қабул қиламан», деган эди. Айнан шу жумла Роналдуни асабийлаштиргани айтилмоқда.
Роналду ва Жезуш ўртасидаги келишмовчилик 27 сентябрь куни Лига миллатлари доирасида ўтказилган Португалия – Норвегия учрашувидан сўнг юзага келган. Мураббий дастлаб Роналдуга тахминан 30 дақиқа ўйин амалиёти беришни режалаштирган, аммо ҳужумчи қизиш машқларини бажарганига қарамай, майдонга туширилмаган. Шундан сўнг Роналду терма жамоа қароргоҳини тарк этган ва кейинчалик Жезушни келишувга амал қилмаганликда айблаган.
Изоҳлар (0)