![](https://static.sports.uz/crop/79b96ef245040f0352b135131f059cf4.jpg)
“Челси” қадрламаган ўйинчини бешта клуб сўраяпти
“Челси”ни кейинги пайтларда қайси мураббий бошқарган бўлса-да, улардан бирортаси клуб тарбияланувчиси Трево Чалобага ўзини кўрсатиш учун етарли даражада имкон бергани йўқ.
“Аристократлар”нинг янги бош мураббийи Энцо Мареска ҳам келаси мавсумда ҳимоячи хизматидан фойдаланмоқчи эмас.
Шунга қарамай, Англия Премьер-лигасида Чалобага иш таклиф қилаётган клублар сони тобора ортиб бормоқда.
Сўнгги маълумотларга қараганда, 25 ёшли футболчини “Ньюкасл”, “Манчестер Юнайтед”, “Вест Хэм”, “Фулхэм” ва “Кристал Пэлас” трансфер қилишга тайёр.
Чалоба 2015 йилдан бери “Челси” тизимида юрибди. Орада Англиянинг “Ипсвич” ва “Хаддерсфилд”, Франциянинг “Лорьян” клубларида ижарада ўйнаб келди. Унинг амалдаги шартномаси 2028 йилнинг ярмигача тузилган.
Фикрлар