Генри Сехудо: "Том Аспиналл, камарингдан воз кеч!"

UFC собиқ чемпиони Генри Сехудо оғир вазнда амалдаги чемпион Том Аспиналлга мурожаат қилди.

"Том камардан воз кечиб, дивизионнинг олдинга силжишига имкон беришинг керак. Унвонни бўшатиб, кўзингни тиклаб ол, биродар. Қолган йигитлар жанг қилишсин. Жош Хокит ва Алекс Перрейра ўртасидаги баҳс ғолиби тўлиқ титул учун Сирил Ган билан учрашсин. Ҳозир бу уччаласи ўртасида жанглар уюштиришнинг айни вақти, бу эса сенинг қайтишинг учун ҳам замин ҳозирлайди", - деди америкалик "MMA Junkie" нашрига берган интервьюсида.

Эслатиб ўтамиз, 2025 йил 25 октябрь куни "UFC 321" турнирида Сирил тасодифан Аспиналлнинг кўзига бармоқ билан зарба бериб юборгач, жанг натижаси бекор қилинганди. Шундан буён Том октагонда кўриниш бермади.