“Ливерпуль” Салоҳнинг ўрнига бир кунда суперфутболчи топди

Англиянинг амалдаги чемпиони “Ливерпуль” раҳбарияти жорий мавсум охирида клубдан кетишини эълон қилган Муҳаммад Салоҳ ўрнига дарров ўринбосар топди.

Марсисайдликлар бу трансфер учун 140 миллион еврогача маблағ сарфлашга тайёр. TEAMtalk нашри хабарига кўра, клуб ўнг қанот ҳужумчиси позицияси учун уч нафар футболчи номзодини кўриб чиқилмоқда.

Қисқа рўйхатга Германиянинг “РБ Лейпциг” клубидан Ян Диоманд ва “Ньюкасл” футболчиси Энтони Гордон киритилган. Бироқ асосий мақсад “Бавария”нинг франциялик легионери Майкл Олисе бўлиб, бу ўйинчи 140 миллион еврога баҳоланмоқда.

Хабар қилинишича, клуб раҳбарияти “Бавария” мутасаддиларини футболчини сотишга кўндиришга умид қилмоқда. Француз футболчисининг устун жиҳати шундаки, у АПЛда ўйнаш тажрибасига эга ва ўнг қанот ҳужумчиси унинг асосий позицияси ҳисобланади.