"Реал"да "Эль-Класико" олдидан ички низо пайдо бўлди

Мадриднинг “Реал” клубида “Барселона”га қарши “Эль-Класико” олдидан ички муҳит кескинлашмоқда.

"Don Balon" нашри маълумотларига кўра, жамоанинг етакчисига айланган Килиан Мбаппе бош мураббий Хаби Алонсога таркиб борасида ўз фикрларини билдирган. Ҳужумчи Родригони асосий таркибда ўйнатмасликни мураббийдан сўраган, чунки у ҳозирги кунда яхши спорт формада эмаслигини ва бундай даражадаги ўйинда ўзини намоён эта олмаслигини таъкидлаган.

Мбаппе бундан ташқари Родриго ўрнига Винисиус Жуниор ёки ёш Франко Мастантуонони майдонга туширишни таклиф қилган. Француз футболчиси Винисиус билан муносабатлари мураккаб бўлишига қарамай, уни каталонияликлар ҳимояси учун хавфлироқ деб ҳисоблайди.

Шу билан бирга, қироллик клубида Килианнинг сўзи жиддий аҳамиятга эга. У жамоанинг энг яхши тўпурари ва бу мавсумда бир неча бор клубни қутқарган. Бироқ Алонсо қарорларига юлдузлар таъсир кўрсатишини истамайди ва таркибни фақат тактик ва жисмоний ҳолатга қараб танлаш ниятида. Бунинг натижасида “Эль-Класико” олдидан “Реал”даги муҳит таранглашган.

Маълумот учун, ушбу учрашув 26 октябрь куни Мадриддаги “Сантьяго Бернабеу” стадионида бўлиб ўтади.