Стипе Миочич: "Менинг саёҳатим маҳаллий боулинг майдончаларида бошланиб, "Madison Square Garden" да якунланди"

Оғир вазн(120 кг)да собиқ UFC чемпиони, америкалик Стипе Миочич фаолиятини тугатгани ҳақида яна бир бор гапириб ўтди.

“Умид қиламанки, Жон Жонс билан жангимиз барчага ёқди. Тўғри, ғалаба қозона олмаганимдан афсусдаман, лекин бу спорт, унда ҳар доим ҳам юта олмайсиз.  Муҳими, мен ақл бовар қилмайдиган йўлни босиб ўтдим! Бу саёҳатни маҳаллий боулинг майдончаларида бошладим ва "Madison Square Garden" да якунладим. 

Турмуш ўртоғим менинг орзум деб кўп нарсасини қурбон қилди, бу учун унга алоҳида раҳмат. Мен уни яхши кўраман. Шу ўринда фарзандларимга ҳам бир гапим бор. Мен қилган ишларим иккингиз учун бўлди. Онам, биламан, ММА мен учун танлаган касбингиз эмас. Лекин сиз биринчи кунданоқ доим ёнимда бўлдингиз. Ниҳоят, мухлислар, сизлар бу спортнинг юрагисиз", - деди Стипе Миочич.

Эслатиб ўтамиз, "UFC 309" турнирида Стипе Миочич  3-раундда Жон Жонсдан техник нокаутга учради.